Uncategorized

BLACKOUT #33 in memoriam

Joan den 2016ko urriaren 5ean joan zen gure artetik, TRES (1956-2016), soinu-artista, musikaria ta bidelaguna.
Haren omenez, eta berak hil aurretik emandako instrukzioak jarraituz, itzaltzen jarraitu dugu. Bere heriotzaren egunean eta 3 egunez, audiolabeko webgune guztiak itzali ditugu. Isilik geratu gara.

www.elsilencio.com
https://htres33.wordpress.com/

SOINUMAPA.NET 2015 – eguneraketa #5

otsagi_josetxo-1024x988

Honakoaren bidez Soinumapa.net egitasmoaren 2015eko bosgarren 20 grabaketen errepasoa aurkezten dugu. Milesker soinuak grabatu eta partekatu dituzuen guztiei!

Armendaritze: Errabotea lurrera (1923)
Otsagabia: Agurra 02:43
Otsagabia: Bertsolariak 03:10
Zarautz: danbolinjole ukiezina (1925)
Zerain: Zerrategia 4 01:47
Hondarribia: itsas olatuak 02:22
Otsagabia: Harrijasotzailea 02:32
Otsagabia: Ingudea 02:19
Gasteiz: Enxambreak (1786)
Luhuso: Artaldea eta ekaitza 02:17
Otsagabia: Ongi etorria 05:02
Tolosa: Oria A-1k 05:49
Pasaia: Gudaren sinfonia (1898)
Gasteiz: Erleen zaratak (1786)
Otsagabia: Banako eta olentzeroren kanta 05:17
Bildotsac parlanzuan (1880)
Otsagabia: Olentzeroren zain 03:38
Gasteiz: Urteurren ospakizunak (1869)
Gasteiz: Ospakizunen bezperak (1869)
Igartubeiti: Amaren Alabak 02:55

argazkia: Asier Gogortza
[www.soinumapa.net] [www.audio-lab.org]

ARTELEKU AUDIOLAB itxi dugu

itxita-760x280

Heldu den udazkenean beteko zituen AUDIOLAB ARTELEKU blogak 10 urte. 2005eko urrian, Artelekun bi urte lehenago sortu zen AUDIOLAB sailak, Euskal herrian zehar martxan jarri ziren edo martxan zeuden musika esperimentalei eskainitako hainbat egitasmoren berri emateko leiho bezala abiatu zen bloga eta denbora guzti horretan, dinamika desberdinak eta lan-talde desberdinekin helburu hori betetzen saiatu da. Denetara 2.500 iruzkin, berri, jakinarazpen, informazio, elkarrizketa etabar bildu ditu blog honek. Eta honaino iritsi da.

Hilabete batzuk pasa dira honezkero blog honen eta orokorrean AUDIOLAB elkartearentzako aterki gisakoa izan den Arteleku zentrua desagertu zenetik. Kalostrak hartu dio txanda Artelekuri eta egitasmo berriak ez du aurreikusten AUDIOLAB egitarauaren jarraipena, eta ondorioz ezta blog honen jarraipena ere. Hartara, bide berriak abiatu ditu AUDIOLAB elkarteak proiektu gisara, laister, espero dugu, emaitza berriak eskaintzeko modua emango dutenak.

AUDIOLAB elkartea osatzen dugunok bide berri horietan sakondu ahal izateko eta guretzako berebizikoa izan den lehenaldian kateatuta geratzeko arriskuak sahiesteko, orain arte mantendu ditugun zenbait egitasmo behin-betiko ixtea behar beharrezkoa dela uste dugu. AUDIOLAB ARTELEKU blogaren itxiera pausu garrantzitsu bat da bide berri hortan, bai guri dagokigunean, baita ARTELEKU izan zenaren izenean. Itxiera honi beste batzuk jarraituko diote: MRB/AMM, Noise & Capitalism… Halaere, webgune hauetan pilatutako doumentazioak eskaini dezaken informazioaz (kontsultarako, memoria kolektiboa…) jakitun izanik, hurrengo hilabetetan artxibo guzti hau behar bezala gordetzeko ahalegina egingo dugu.

Hemendik aitzinera, AUDIOLABek antolatzen dituen ekitaldien berri izateko www.audio-lab.org webgunea baliatuko dugu.

Ezin agurtu, blog honek funtzionatzeko bere hastapenetik bizitzeko beharrezkoak izan dituen pertsonak kontutan hartu gabe. Milesker Oier Iruretagoiena (erredakzioa), Mikel R. Nieto (erredakzioa), Quimi Gáñez (diseinua), Ti-ta-net eta Xavier Balderas (programazioa), Luca Rullo (zerbitzari lanak), Catherine Luro (informatzailea), Miren Eraso (mediateka), Santi Eraso, Kepa Landa, Ana Salaberria, Myriam Anitua eta Esther Larrañaga (zuzendaritza) eta Artelekuren baitan lagun izan ditugun hainbertze langile (Amalur Gaztañaga, Dani Artamendi, Mikel Arbiza, Maren Iturburu, Larraitz Mendizuri eta bereziki Natalia Barberia eta Maitane Otaegi).

Bide berrietan zarata berriak entzuten topo egingo dugulakoan, zuri ere irakurle, milesker.

Laister arte,

Xabier Erkiziak AUDIOLAB elkartearen izenean

HOTS! RADIO #43 online

Metta-Paritta

gure HOTS! online irratian podcast berria argitaratu dugu!
METTA PARITTA, Miguel Angel Elizalderen eskutik

Metta Paritta, SN Goenka maisuak Vipassana meditazio erretiroen azken egunean, goizeko 6etan, abesten duen kantua da. Bere lezioetan oinarriturik, mundu osoan zehar ikastaroak ematen dituzten 800 irakasle delegatu baino gehiago  izan arren, inork ez du kantu hau abesteko baimenik. Arrazoi horregatik, bere urteroko 100.000 baino gehiago diren ikasleei grabaketa bera entzuten dute. Maisuarekin batera entzun bitartean, kantua grabatzea guztiz debekatuta dago, jatorrizko lekuan ez baita gailu elektronikorik onartzen. Beraz, grabaketa hau oso zirkuitu mugatuetan lor daiteke.+ info

[www.hots-radio.info]

OPEN SOUND > Lisboa

METASONIC-OPENSOUND
Ekainaren 19tik 29ra, LISBOA (Portugal)

Heldu den ekainaren azkeneko astean AUDIO-LAB elkarteak Lisboako zenbait lekutan ospatuko den METASONIC jaialdian parte hartuko du. Granular elkarteak soinugintzari eta honen inguruko fenomenologiari buruz antolatu jaialdi honetan OPEN SOUND sareko kideek modu berezian parte hartuko dugu, joan den abenduan Sizilian edo urtarrilan Donostian egindako topaketei jarrituz.
Egitarauaren barnean SOINUMAPA.NETen aurkezpenak, SOINUDROID aplikazioari buruzko tailerrak, INSTANZINE ikusentzunezko esperientzia inprobisatu bat eta irratiekin egindako RADIO TRACES emankizun kolektiboan parte hartuko dugu.
Informazio gehiago jaialdiaren webgunean: http://www.granular.pt/metasonic-opensound.html

www.opensound.eu

GU, ITSASOA

SOINUMAPA egitasmoak GU ITSASOA MUNDUAREN ATARI izeneko erakusketan parte hartu du. Gipuzkoako Zerain herrian ateak ireki berri dituen erakusketan Soinumapako grabaketez gain, Iñigo Telletxeak bildu eta editatutako soinuekin osatutako soinu-instalazioa entzun daiteke. Erakusketa ekainaren 8an irekiko da, aipatu bezala Zeraingo Herri Museoan, eta hurrengo hilabetetan bertze zenbait herri bisitatuko ditu. Bitartean, instalazioa osatzen duten grabaketak Soinumapan zintzilikatuko dira eta instalazioa osatzen duten piezak GU ITSASOA egitasmoaren webgunean.

www.guitsasoa.com

Francisco López & Xabier Erkizia: Elektra Bidasoa

FRANCISCO LÓPEZ / XABIER ERKIZIA: Elektra Bidasoa
(audiolab / ferns recordings, 2011)

Soinuaren fenomenologiaren entzumen sakonari eskainitako ibilbide luzeko bi soinu artisten elkarlan proiektua. Disko hau, Bidasoa ibaiako bazterretan, Nafarroako bortzirien inguruan, dauden zentrale hidroelektrikoetan egindako grabaketekin osatua dago. Erkizia eta Lopezek, zentraletako industria-instalazio eta makinen zarata, karraka, asots eta hotsekin soinu-eraikuntza berezik egin dituzte, batzuetan soinuak bere hortan utziz eta bestetan soinuak eraldatuz. Elektrizitatean sorkuntza bezalako unibertsoan sortutako soinuzko mundu birtual batean mikro nahiz makro bidaiak egiteko gonbidapena.

Tracklist:
1. Francisco López: Untitled #266 15:13
2. Francisco López: Untitled #267 14:08
3. Xabier Erkizia: Electra Navasturen 16:38
4. Xabier Erkizia: Bidasoa, presak 14:28

argazkiak: Asier Gogortza
diseinua: Xavier Balderas

Audiolab Arteleku 2012

Joan den azaroan Donostiako Arteleku zentroak jasan zituen uholdeak direla eta Gipuzkoako Foru Aldundiak erabaki du eraikinak oraindik ez dituela eskaintzen ekitaldiak modu egokian antolatzeko moduak, eta ez dituela eskainiko heldu den ekaina arte.
Uholdeetan besteak beste, ikusentzunerako material tekniko guztia galdu zen (tartean, grabagailuak, 3 soinu ekipo, bideoproiektoreak etabar) baita mediatekako fonoteka ia bere osotasunean, soinuari buruzko liburu bildumaren erdia, audiolab-en argitalpen gehienen stocka (noise&capitalism, ertz 10 urte…) osorik etabar.

Beraz, gauzak aldatzen ez diren bitartean AUDIOLAB egitaraua ez da martxan jarriko uda baino lehen. Bitartean hainbat egitasmo digitalekin lanean jarraitzeko asmoa dugu, eta egoera normalizatzen doan heinean, udarako, urtero bezala, tailer eta bestelako ekitaldien programazioa aurkeztuko dugu.
Laister informazio gehiago webgune honetan nahiz www.arteleku.net/audiolab eta www.arteleku.net webguneetan.

Soinu Artean > Euskadi Irratia

 

2011ko irailan Arantxa Iturbek zuzentzen duen Euskadi Irratiko Arratsean-Arratsaldekoa saioak, astelehenak soinuei eta entzumenari eskaintzea erabaki zuen, SOINU ARTEAN sortuz.
Azken 5 urteotan kolaboratzaile izan duen Xabier Erkiziarekin, Audiolab elkartearekin elkarlanean eta Tabakaleraren laguntzarekin, astelehenero irratia estudiotik atera eta mikrofonoak soinu ehizan jarri ditu irrati saio honek, formatu berriak, irratirako esperimentuak eta bertzelako mikro(fono)-abenturak proposatuz.
Saioaren 2011-2012 denboraldia joan den maiatzan bukatu zen arren saio gehienak online topatu daitezke Eitb.com webgunean, baina guk ere laister jarriko ditugu saio guztiak sarean, oraingoan kalitate haundiko mp3 artxiboetan.

HOTS! irratia itzuli da

Sei hilabeteko geldialdiaren ondotik, seguruaski Artelekuren erdi-heriotz horren luto modura, gure HOTS! SOINU PAISAI IRRATIAk berriz ekingo dio podcast berriak argitaratzeari. Denboraldi (motzago baina) berri honetan besteak beste Ramon Andrés idazlea, Miguel Angel Elizalde, Pablo Sanz, Iñigo Telletxea eta beste sortzaile askoren lanak entzun ahal izango dira.

Soinumapa 2012-1 eguneraketa

soinumapa2011

Soinumapa.net egitasmoaren 2012ko lehenbiziko 20 grabaketen errepasoa. Ea ze soinu berri ekartzen dizkigun urte berriak. Milesker soinuak grabatu eta partekatu dituzuen guztiei!

Primer repaso de las primeras 20 grabaciones añadidas a Soinumapa.net durante el recién estrenado 2012. A ver que sonidos nos trae el nuevo año. Gracias a todos/as los/las personas que han grabado y compartido sus grabaciones!

Letona: Eliz atarian 03:08
Zerain: Garai bateko musikariak 02:56
Elduaien: Behi granja 02:47
Elgorriaga: Urte Berri 03:20
Bera: Dios te salve 03:44
Bera: Glin-glan 08:11
Eultz: Eguerdia 02:59
Urdiain: Ur-goiena 01:56
Iruñea: Bideko Ama 02:34
Bera: Agonia 01:30
Eraso: Pilotan 01:41
Orokieta: Oro quiet 02:37
Bera: Olentzero 2011 03:06
Senpere: Ilunabarreko musika 04:20
Asteasu: Herriko plaza 05:27
Hernani: Larrialdi kimikoa 04:58
Portugalete: zorroztailea 01:41
Ezkio: Aizkol apustua 03:29
Zarautz: Estropadak 07:02
Pasai San Pedro: Eguerdia 04:50

[www.soinumapa.net]