EKITALDIAK / EVENTOS

MUSIKA BULEGOA SARIA 2016

slider-web

Urteetako lanaren ondotik, poz haundiz jasoko dugu MUSIKA BULEGOAK Audiolab elkarteari emandako sari hau. Saria, hezkuntza, ikerketa eta dibulgazioaren arloan egindako lanari emandakoa da. Eta bidenabar, gainerako sarituak ere zoriondu nahi ditugu, bereziki Iban Urizar-Amorante, artista, bidaide eta lagun. Zorionak.

Prentsa oharra:
MUSIKA BULEGOA SARIAK 2016ko SARIDUNAK

Juanjo Mena zuzendariaren ardurapean dagoen Berliner Philarmonikerren Zuzendaritzak, Angel Unzu (Duos) eta Amorante (Amorante) kantarien eta Rural Zombies taldearen (Bat) azken lanek eta Audiolab Kultur Elkartearen jardunak irabazi dituzte MUSIKA BULEGOA SARIAK.

EUSKAL HERRIKO MUSIKA BULEGOA (EHMBE) elkarteak gaur eman ditu ezagutzera, epaimahaiaren ordezkaritza batekin eta saritutako musikari batzuekin batera, Musika Bulegoa Sarien lehen edizioan aurkeztutako 65 proposamenen artean nabarmendu diren musikari, sortzaile eta interpreteen izenak. Sariak Bilboko Kafe Antzokian emango dira, azaroaren 24an, 19:00etan.

Berariaz eratutako epaimahai independente batek aztertu eta aukeratu ditu aipaturiko musikarien eta artisten lanak, 2015eko uztailaren 1etik 2016ko abuztuaren 31 bitartean kaleratutako musika-proiektuen artean. Hainbat musikarik eta EHMBEren elkarte bazkideek parte hartu duten barne-prozesu batean proposatu dira nabarmendutako lan horiek.

Honako hauek izan dira epaimahaikideak: I√Īigo Argomaniz, Donostiako Get In-en sortzailea eta zuzendari nagusia; Jon Bag√ľ√©s, Musikaren Euskal Artxiboaren zuzendaria eta Musika Liburutegien, Artxibategien eta Zentroen Nazioarteko Elkarteko (IAML) zuzendariordea; Joseba Cabezas musikaria, kazetaria eta kultur agentea, Gasteizko ¬ęJazz Uhinak¬Ľ programako arduraduna; Aintzane Camara, EHUko Musikako Didaktikako irakaslea, Eusko Ikaskuntzako Musika Saileko zuzendari ohia eta musika eta sorkuntza garaikidearen ikerketan aditua; Yahv√© M. de la Cavada musika-kritikaria eta zenbait jazz-taldetan eta Americana taldean musikaria; Mikel F. Kruzaga soinu-ingeniaria, nahaslea eta ekoizlea; Ainara LeGardon bost lan kaleratu dituen musikaria, jabetza intelektualaren alorreko lan handia egin duena; eta Edurne Ormazabal, musikaren eta kulturaren esparruan eskarmentu handiko komunikatzailea, eta gaur egun EITBko merkataritza-alorreko zuzendaria.

Epaimahaiak lana sortu, interpretatu eta ekoizteko jardunari (ikerketa, interpretatzeko teknika, lana konposatzeko teknika, grabazioa eta abar) erreparatu dio nagusiki eta baita, jakina, azken emaitzari ere. Horretarako, hainbat balorazio-erreferentzia erabili ditu: berrikuntza, originaltasuna, indarra, potentzialtasuna, sotiltasuna, sentsibilitatea, esperimentazioa, sonoritatea, estilo-estetikak eta artworka, besteak beste.

¬ęEz da lan erraza izan, aurkeztutako proposamen guztien kalitate handia dela eta¬Ľ, azaldu dute. Azkenik, honako hau izan da Epaimahaiaren erabakia eta, beraz, Musika Bulegoa Sarien lehen edizio honetako lan saridunak:

Juanjo Mena, Berlingo Orkestra Filarmonikoaren zuzendaritzagatik
Angel Unzu, ¬ęDuos¬Ľ diskoagatik
Rural Zombies, ¬ęBat¬Ľ diskoagatik
Amorante, ¬ęAmorante¬Ľ diskoagatik.

Juanjo Menari dagokionez, Epaimahaiaren esanetan ¬ęBerlingo Orkestra Filarmonikoak (Berliner Philharmoniker) Juanjo Mena euskal zuzendariaren batutapean emandako kontzertua zalantzagabeko arrakasta izan zen, entzuleek nahiz kritika espezializatuak aitortua. Hartara, euskal musikako urteko ekitaldirik garrantzitsuenetakotzat jo daiteke¬Ľ.

Epaimahaiak Angel Unzuri aitortu dizkion merituen artean, nabarmentzekoak dira ¬ęEuskal Herriko jazzean itzalik handienetakoa duen musikari baten eskutik sortutako elkarrizketa ederrak, musikari bikainez inguratuta eta entzule guztiok barneratzeko moduan¬Ľ.

Rural Zombiesi buruz, berriz, hauxe azpimarratu dute ¬ędebut harrigarria da, proposamenean freskotasuna eta heldutasuna bildu baititu. Erakarpen-indar handiko ahotsa, talde sendo batek inguratuta¬Ľ. Eta Amoranteri dagokionez, ¬ęproiektu irekitzaile originala eta ausarta da, herri musika tradizionaletik abiatu eta esperimentazioari eta inprobisaziori ateak irekitzeko, hala diskoaren ekoizpenean (Xabier Erkiziarentzako aipamen berezia) nola konposizioan eta eszenaratzean¬Ľ.

Bestalde, Musika Bulegoa Sariek beste aitorpen bat ere aurreikusten dute, EHMBE Elkarteak berak zuzenean emana, beste musika-esparru batzuekin (prestakuntzarekin, sentsibilizazioarekin, ikerketarekin, dibulgazioarekin‚Ķ) lotutako ekimen bat nabarmentzeko.¬†Kasu honetan, sari paraleloa Audiolab Kultur Elkarteari ematea erabaki du EHMBE-Musika Bulegoko zuzendaritza-batzordeak, ¬ęsoinu-ikerketaren esparruan egiten duen lan etengabeagatik eta garatutako egitasmo ugariengatik, hala nola ‚ÄėERTZ Beste Musika Batzuk‚Äô jaialdia, SoinuMapa, Arteleku arte garaikidearen zentroko soinu-laborategia, egitasmo editorialak, zabalpen-egitasmoak (‚ÄėHots Radio‚Äô), erakusketak (‚ÄėTabakalera Suena‚Äô, ‚ÄėEntzungor‚Äô) nahiz ikerketa-proiektuak (‚ÄėUnCommon Sounds‚Äô, ‚ÄėRona Maubere‚Äô eta ‚ÄėOpen Sound‚Äô)¬Ľ.

Bost sari horien irabazleetako bakoitzak 3.000 ‚ā¨ jasoko ditu, baita Fernando Mikelarena eskultoreak egindako merezimenduzko sari bat ere; eskultura hori sariaren irudi bihurtu da dagoeneko.
Musika Bulegoa Sarien sustatzailea Musika Bulegoa da, eta Eusko Jaurlaritzako Hezkuntza, Hizkuntza Politika eta Kultura Sailaren, Euskadiko Soinuak programaren eta Bilboko Udalaren lankidetza du.
Hemen dago dossier osoa, non epaimahaiaren aktak irakur daitezkeen.

SOINEKO PAISAIA @ Bulegoa Z/B

surco_1-preview

Soineko Paisaia soinu artxiboaren entzunaldi jarraia + Argitalpenaren aurkezpena

Asteazkena, 30 Azaroa, 2016

Entzunaldia 09:00 ‚Äď 21:18

Argitalpenaren aurkezpena ‚Äď 19:00

Saio hau, Soineko Paisaia artxiboaren entzunaldi jarrai gisa plantetatzen da. Ehun eta hogeita hemeretzi soinu grabaketek osatzen duten hamaika ordu, hemezortzi minutu eta berrogeita hiru segundoko iraupeneko artxiboa, haren grabaketen kronologiari jarraituz, hasieratik bukaerara entzungai jarriko dugu. Bitarte horretan, soinu grabaketa guztien fitxak eskura egongo dira, ateak eta bozgorailuak zabalik, sarrera eta irteera libreko entzunaldi egoera bat sortuz. Arratsaldeko zazpietan, artxiboari forma berri bat ematen dion Soineko Paisaia 2009-2015 / Dorsal Landscape 2009-2015argitalpena aurkeztuko dugu. Argitalpen horretan, beste eduki batzuekin batera atondutako estutxean, hiru LP-tan jasotako laurogeita hiru artalde-grabaketen laginak jasotzen dira. Bertan dira, besteak beste, 2013an egindako Aralarrera txangoan jaso genituen hainbat grabaketa. Esperientzia hori hizpide izanik eta egitasmoan zehar jazotako beste hainbat gertakari aitzakiatzat hartuz, lanean sakontzeko aukera izango dugu goizeko hamarretan hasi eta gaueko bederatziak eta hemezortzi minututan bukatuko den saio honetan.

Testu osoa irakurtzeko: http://www.bulegoa.org/eu/orain

EZORDUAN 2. aktoa @ Tabakalera

ezorduan_2-1

Gonbidatuak: Tony Conrad, RAS, Agnes P√©, Miguel √Ālvarez Fern√°ndez, Andy Warhol

EGITARAUA: (PDF)

Musikaren hiztegian tempoa musika pieza jakin bati ezartzen zaion abiadura da. Erritmoa patroia litzake, tempoa aldiz abiadura, azkartasuna. Musika gehienak, eragiten dituzten kolpeen abiaduraren arabera sailka baitaitezke, denbora eta musika algoritmo digitalen arabera sailkatzen zaigun garaian, abiadura gure musikaren pertzeptzioaren faktore garrantzitsu bihurtu da. Agerian uzten du helburua, funtzioa.

Ezorduan programaren bigarren aktoan musikaren eta abiaduraren, tempoaren eta denboraren arteko harreman eta paradoxetan murgiltzeko aukera izango dugu.

+ INFO: https://www.tabakalera.eu/eu/ezorduan-louder-faster-stronger-2-ekitaldia

IBAR OIHAR: Deba

ibaroiharweb

IBAR OIHAR: GIPUZKOAKO URAK SOINU BIDEZ du izena AUDIOLAB elkarteak egin duen azkeneko proiektuak.

Donostiako Cristina-Enea fundazioaren eta Gipuzkoako ur kontsortzioaren enkarguz egindako egitasmo honek, Gipuzkoako lurretan jaio eta hiltzen diren ibaien entzunaldi saiakera bat osatu nahi du, ibaiaren inguruan bizi diren gipuzkoarrek ibaiekiko duten edo izan duten harremana aztertzeko heburuarekin.

Lehen pauso honetan DEBA ibaia hartu dugu lanerako gai gisara. Egitasmoak beraz, Gipuzkoako mendebaldeko bailaran egindako ikerketa eta bilketa lan bat izan du oinarri, orain SOINUMAPA.NETen azpimapa moduko batean aurkezten dena: http://gipuzkoakour.eus/IbarOihar/.

Ekainatik aurrera, proiektua bere osotasunean biltzen duen erakusketa-instalazio ibiltaria erakusgarri egonen da Deba ibaiak gurutzatzen dituen herrietako hainbat kultur espaziotan, Gatzagatik hasita Debaraino.

 

27849219310_f43297ba5b_z 595_IbarOihar3 Co8RjPYWAAAYD6M imagenes836a

SOINEKO PAISAIA (2009-2015) @ Igartubeiti baserri museoa

SP_IGARTU

Erakusketa: SOINEKO PAISAIA (2009-2015)
Gipuzkoako ehun burutik gorako artaldeen zintzarri hotsen artxiboa
NADER KOOCHAKI artistak AUDIOLABen laguntzarekin osatutako egitasmoa.

2016ko Irailaren 24tik abenduaren 18ra
IGARTUBEITI BASERRI MUSEOA,  Ezkio-Itsaso (Gipuzkoa)
http://www.igartubeitibaserria.eus
PDF

 

Soineko Paisaia, ehun burutik gorako Gipuzkoako artaldeen zintzarri hotsen soinu artxibo bat da, 2008an abiatu eta, orain arte, 100 soinu grabaketa inguru bildu dituena. Grabaketa bakoitza, landa-laneko ohar koaderno baten gisan, fitxa banarekin osatzen da. Fitxa horietan, artzaina eta artaldea identifikatu, lokalizazioaren berri eman, grabaketa baldintzak aipatu eta egoeraren eta gaiaren gogoetak txertatzen dira. Erakusketak Gordailuatik, Gipuzkoako Foru Aldundiko Kultur Ondare Higigarriaren Zentrotik ekarritako 8 zintzarrien bilduma elkartzen du.

ERTZ#17 – AHOTSAREN TOLESTURAK

Irailak 9, 10, 11 – BERAKO KULTUR ETXEA, Bera (Nafarroa)

http://2016.ertza.net

EGITARAUA:

‚ÄėZergatik egiten didazu hau?‚Äô leporatu dio ahotsari. Ahotsak ez daki zertaz ari den. ‚ÄėZergatik portatzen zara hain desberdin kantuan eta hizketan?‚Äô. Haserre dago ahotsarekin harro egoteko ageriko arrazoiak dituen arren. Harridura irakurtzen du denen begietan jendaurrean kantatzen duenero. Miresmena, amaitutakoan. Ahotsak irribarre egin dio ‚Äėni desberdin?‚Äô galderaz. Baietz. Gaur ere esan diote beste bat ematen duela kantuan hasitakoan. Eta ardurak ahotsarena behar du bera berbera delako. Bietan.

‚ÄėEta ni, zure ahotsa‚Äô esan eta isilik geratu da.

Biak geratu dira isilik. 

Arantxa Iturbe

Workshop @ Oteiza museoa

portada006

Tailerra: Entzulea mintz gisara
Abuztuak 19, 20 eta 21
Oteiza museoa, Altzuza (Nafarroa)

Alfred Korzybskiren esaldi famatuak dioen bezala, mapa ez bada lurralde, hitza ez bada esan nahi duena, irudika al daiteke toki bat soinu baten bidez? edo soinuak eraikitzen du tokia?
Tailerrak Oteiza Museoaren soinu-paisaia eta museoa kokatzen den ingurua aztertzeko eta horri buruz hausnartzeko espazio bat sortu nahi du, honako kontzeptuetan arreta berezia jarriz: soinu-diseinua, kutsadura akustikoa, soinuen kontrola eta gure eguneroko zereginekin erlazionatutako entzunaldiak. Ariketa teoriko eta praktiko honi esker, gure soinu-imajinarioak eta horiek praktikan jartzeko moduak zer-nola eraikitzen ditugun ulertzen saiatuko gara. Hartara, entzule kritiko bilakatuko gara, bai eta jaramon eginez eguntzeko gai izan ere.

Lantegiaren egitura:
Abuztuak 19, 20 eta 21.

  • Abuztuak 19: 16:00etatik 20:00ak arte: Fonografiaren arterako sarrera teoriko-praktikoa. Adibideak entzutea, beste ariketa batzuk. Grabagailu-mikrofono eta abarrekiko lehen jarduera. Zenbait fenomenologia Museoan bertan eta inguruetan.
  • Abuztuak 20. 10:30etik 14:00ak arte eta 16:00etatik 20:00ak arte: Landako grabazioa. Egun osoa erregistratzen ematea Eguesibarrean. Garraioa taldearen arabera antolatuko da, baina ez da ibilgailu propiorik zertan eduki.
  • Abuztuak 21: 10:30etik 14:00ak arte: material bilketa. Entzunaldi kritikoa. Edizioa. Soinu mapak.Egunak: Abuztuak 19, 20 eta 21. Matrikularen kostua: 80 euro. Plaza mugatuak. Ezinbestekoa da aurrez didactica@museooteiza.org helbidearen bidez izena ematea.

DESORDUAN 1.go aktoa @ TABAKALERA

danborrak_desorduan

Uztailak 6 eta 7 TABAKALERA, Donostia
Gonbidatuak: Matthieu Saladin, Ereski Abesbatza, Vomir

EGITARAUA:

Bizigarriak: zirkulazioa eta euforia¬†proiektu bienalaren parte den¬†Ezorduan¬†(erritmoa eta iraultzak)¬†egitasmoaren¬†barne hainbat kontzertu, hitzaldi eta¬†entzunaldiz gozatzeko aukera¬†izango da uztailaren 6 eta 7an eta azaroaren 17 eta 19a bitarte egingo diren bi saioetan. Egitarauan, besteak beste:¬†Vomir, Matthieu Saladin, Miguel √Ālvarez Fern√°ndez, RAS, Ereski abesbatza, i-doser, Jos√©¬†Luis Maire, Mattin…

Erritmoaren efektuak arretaz begiratzen dugun edozein alternantziatan ikusiko ditugu: ibiltzeko ekintzan, klimak paisaian eragindako efektuetan, ur-azalean irauten duten formetan edo bihotz-taupaden maiztasunean zein gure gorputzaren pultsazioetan. Erritmoa musikara, dantzara edo giza gorputzak sortutako jokoetara mugatzerik ez dagoela jakinda ere, entzuketa eta soinuari lotutako esparruak dira programa honen abiapuntua.

Jean-Jacques Rousseau (Geneva, 1712 ‚Äď Ermenonville, 1778) filosofoak bere¬†Dictionnaire de la musique¬†hiztegian (1768) dioenez, musika-tresnen artean perkusioak dira parrandarekin eta euforiarekin lotura handiena dutenak. Bai denborasentsazioen eraldaketak eragindako errepikaketa sekuentziatuak bai soinuaren intentsitateak eragiten dute sentsazio¬†hori. Halere, faktore horiek ez dute inoiz guztiz argitzen edo azaltzen musikaren izaera borborkaria.¬†Ezorduanek musikak hedatzen duen ezusteko energia arakatzen du entzunaldi, hitzaldi eta kontzertuen bidez, eta neurgarrira eta homogeneo den zerbaitera murriztua izan den denbora baten inguruan hausnarketa kritikoa zabaldu nahi du.

Xabier Erkizia¬†musikariarekin elkarlanean garatutako proiektu honek musikaren dimentsio politikoa aztertzera bultzatu nahi gaitu, denboraren bestelako erabilera batzuk ‚ÄĒgrinaz eta bizitasunez beteak, ezustekora zabaldutakoak‚ÄĒ proposatzeko musikak duen ahalmena, azken batean.

Egitarau honetan aurkezten ditugun proposamenek, entzutearen gehiegikerien eta ez entzuteko ezintasunaren artean gure belarria dantzarazten duten soinuengan jartzen dute arreta. Soinu frekuentzien eraginkortasuna eta haien aurrean miloika modutan, plazeretik oinazeraino, kuzkurtzen diren gure belarrien irazkorrari buruz hausnartzea da helburua. Azken finean, gure hauskortasunaren kodeak ulertzeko ezintasunaren aurrean, haietan bustitzeko saiakera berri bat baino ez.

PAISAIARIK GABE#7 Xoan Xil-López

ESCOITAR_esquela

EKAINAK 18, LARUNBATA, 19:00
Tailer aretoa, Tabakalera – DONOSTIA
www.entzuten.net

SOINU ARTXIBOTIK GERTAKIZUNERA
Gonbidatua: XOAN-XIL LOPEZ

2016ko urtarrilaren 20an, azken hamar urtetan hazten joan den Escoitar.org kolektiboaren web-maparen desagertze prozesua martxan jarri duen audio-ekimena abiatu zen: Geroztik, mapa osatzen zuten Galizako lurraldean egindako 1252 grabaketak desagertzen doaz, entzun ahala. Erreprodukzio bakoitzak entzundako artxiboa desagerrarazten du datubasetik, entzunaldi bakoitza gertakizun bihurtuz.

Soinu paisaiarengana hurbiltzeko, edo berau errepresentatzeko edo eszenifikatzeko modu asko dago. Kartografiak, grabaketak, performanceak, kontzertuak, instalazioak etabar. Desagertzeak ere balio dezake entzungarria den inguruneari buruz hitz egin eta berradierazteko, eta modu hortan artxibotik entzumenaren emoziora doazen gai ugari aztertzeko.

55214023__275x250-150x150

Xo√°n-Xil L√≥pez: Musikologoa eta soinu-artista. Arte ederretan doktorautza jaso zuen ‚ÄúSeinalea/Zarata: Soinu paisaiaren zenbait erabilera artearen testuinguruan‚ÄĚ izeneko tesiarengatik. Etnomusikologiaren nahiz musika garaikidearen alorretan hainbat ikerketa garatu ditu. Horrez gain, Escoitar.org, Mediateletipos, Ulobit (inprobisazioa) edo Voltage Opposite (dantza) bezalako egitasmoetan parte hartu du, eta Vertixe Sonora ensemble garaikidearekin lan egiten du.

www.unruidosecreto.net
www.escoitar.org

UR HANDIAK, UR MEHEAK erakusketa

AUDIOLABek, elkarte eta komisario gisara, eta osatzen dugunok, artista gisara, Cristina enea Fundazioarekin elkarlanean erakusketa hau osatu dugu.

26514197234_de53f6bd9c_k

UR HANDIAK, UR MEHEAK. Danubio eta Urumearen aztarnak
2016/05/19 – 2016/09/18 | ERAKUSKETA
Cristina enea ingurumen baliabideen etxea, DONOSTIA

Inge Morath, Annea Lockwood, Don Herbert, Peter Cusack, Xabier Erkizia, Asier Gogortza, Nagore Legarreta, Luca Rullo, Audiolab, Kulturmodell (Passau), Zazpi t’erdi, Ruth Montiel Arias, Ibaia ez da toki bat, Ramon Zabalegi

Arro hidrografikoek, eta urak drainatzen dizkieten ibaiek, ezagutzen ditugun bide natural antzinakoenak zizelkatu izan dituzte tantaztanta. Bide horiek, kulturak harilkatu, eta, toki batzuetatik besteetara doazen ur berak elkarbanatzen dituzten lurraldeak gerturatu izan dituzte.

Goi-aranetan dira sortzen errekak eta ibaiak, ebakitzen dituzte paisaiak beren joanean, eta etengabeko ibilian den iturburutanta oro ez datza bidai horretantxe baizik. Uraren itsasoetaranzko jaitsieraren logikak bidean diren paisaien eta hegien etengabeko aldaketa dakar. Nola hauteman ditzakegu aldaketa horiek? Zein dira begi-sarean gordetzen ditugun ibaiak?

Badira, ibaia irudikatzeko, pausatu izan zaizkion begirada bezainbat moduren berri ematen diguten aztarna, datu, xehetasun edo deskribapenak dituzten dokumentuak. Danubiok eta Urumeak bide paraleloa egingo dute erakusketa honetan; oso bestelako eskala duten lurraldeen ardatz gisa jokatzen dute biek, baina, ibaiarekin, desberdin diren kulturek par tekatzen dituzten harremanak garatzen dituzte.

UR HANDIAK, UR MEHEAK

PAISAIARIK GABE#6 Francisco López

EKAINAK 10, OSTIRALA, 18:30
Gandiaga Topagunea – Arantzazu, O√ĎATI
www.entzuten.net

IZENBURURIK GABEKO SOINUAK
Gonbidatua: FRANCISCO L√ďPEZ

20 urte baino gehiagoko ibilbidearen ondotik, Madrilen jaiotako baina naturaz nomada den soinu-artista honen lana mundu mailako erreferente nagusienetakoa da. Biologiarenganako nahiz soinuaren berezko indarrarenganako interesa jorratuz, Lopezek izenbururik behar ez duen soinu unibertso pertsonala osatu du. Soinu paisaiaren kontzeptzio klasikoarekiko, nahiz musika konkretuaren praktiken teorienganako ekidistantzia nahikoa ezarriz, Lopezek nahitaez absolutoa bihurtzen den soinu esperientziarengan gordetzen du fedea, esperientzia sentsorialaren eraldatzeko gaitasunaren erreibindikazio modu bat proposatuz.

Solasaldi honetan, Lopezen ibilbidea ulertzeko garrantzitsuak izan diren zenbait lan eta esperientzia aipatuz, bere lanak hamarkadetan zehar hartzen dituen esanahien inguruan mintzatuko dira artista bera eta Xabier Erkizia, harekin lan egindako den euskal herriko soinu artista.

lopez2008-4Francisco López musika esperimentalaren eta soinu-artearen arloko pertsonarik garrantzitsuen artean kokatzen dute nazioartean. Hogeita hamabost urte baino gehiago darama soinu-sorkuntzaren eta ingurune-grabaketen bidezko lanaren alorrean, eta denbora horretan soinu-unibertso erabat pertsonala eta ikonoklasta garatu du, mundua sakonki entzutea oinarritzat hartuta. Ehunka soinu-instalazio, landa-grabaketako proiektu eta kontzertu/performance gauzatu ditu hirurogeita hamar herrialdetan, nazioarteko entzun-areto, museo, galeria eta jaialdi nagusietan. Bere soinu-obrak zuzeneko eta estudioko lankidetzak dauzka, nazioarteko 150 artista baino gehiagorekin, eta mundu osoko 350 diskoetxek eta argitaletxek baino gehiagok argitaratu dute. Beste sarien artean, Lópezek lau aldiz jaso du Linz hiriko (Austria) Ars Electronica jaialdi ospetsuko ohorezko aipamena, eta 2010eko Qwartz Awards sarietako (Frantzia) irabazle izan zen soinu-antologia kategorian.

www.franciscolopez.net

PAISAIARIK GABE#5 Michael Pisaro (USA)

MAIATZAK 14- 15
Tabakalera, DONOSTIA

ZELAIEK (ERE) BADITUZTE BELARRIAK
Gonbidatuak:¬†MICHAEL PISARO¬†(AEB), ST√ČPHANE GARIN (Eus), DIDIER ASCHOUR (Fr)

1940ko hamarkadan Pierre Schaefferek, musique concr√®te deitu zenaren oinarri teoriko zenbait ezarri zituenetik, mikrofonoa, eta ondorioz harek jasotako soinuen paisaiak musika tresna bat gehiago bihurtu dira. Read more »

PAISAIARIK GABE#4 Maria Andueza (es)

MAIATZAK 7, LARUNBATA
Tabakalera, DONOSTIA

ESPAZIALTASUN AREAGOTUA
Gonbidatua: MARIA ANDUEZA (Es)

Espazio publikoan gertatzen den soinu sorkuntza aztertzeko helburuarekin sortu zen 2013an Augmented Spatiality egitasmoa. Oinarrian, hiriarekin eta urbanitatearekin elkarreraginez sortzen diren soinu sorkuntza moduak azaleratzeko gai diren espazio publikoak sortu eta eraldatzeko aukerei buruzko ikerketa da. Read more »

PAISAIARIK GABE#3 Annea Lockwood (AEB)

APIRILAK 20 ASTEAZKENA, 19,00
Koldo Mitxelena kulturunea, DONOSTIA

WHAT IS A RIVER? DOWN THE DANUBE BY EAR
Gonbidatua: Annea Lockwood

Ekitaldi hau¬†HidroLogikak, ibaitik badiara¬†egitasmoaren parte da.¬†Cristina Enea Fundazioak,¬†Asociaci√≥n Espa√Īola de Ingenier√≠a del Paisaje¬†(AEIP)¬†eta¬†Donostia 2016 fundazioarekin batera antolatua. Ikus egitarau osoa hemen

Annea Lockwoodek Danubio ibaia soinu bidez dokumentatzen bizitako esperientzia kontatuko du. Oihan beltzetik hasi eta Itsaso beltzeraino, ibaia entzuten egin zuen lan, bidean topatu zituen ekosistemak eta haietan bizi diren pertsonen soinu eta ahotsak bilduz.

Annea Lockwood: 1939an Zelanda berrian jaioa eta 1973tik AEBn bizi den artista. Annea Lockwood ingurune eta soinu akustiko naturalen inguruan osatu duen ikerketengatik da ezaguna. Horren emaitza dira hainbat soinu arte pieza, instalazio, soinu-idatzi, performance eta kontzerturako konposizio. Bere musika lanak nazioarteko hainbat jaialditan aurkeztu izan dira.

“A Sound Map of the Danube” izeneko soinu instalazioa Alemanian, Austrian eta AEBn aurkeztu izan da. Danubio ibai osoan zehar egindako soinu bilketa du oinarri eta bertan entzun daitezke ibaiko ur, animali, intseltu, harri edo ibaiaren harreman zuzenean bizi diren hainbat pertsonen ahotsak. Proiektu honez gain Lockwoodek beste hainbat konpainiaerntzako lanak egin ditu, halanola Merce Cunningham Dance Company. Bere musika sarean nahiz CDan argitaratu izan da Lovely Music, Ambitus, EM, XI, Rattle, Lorelt edo Pogus bezalako disketxeen bidez..

www.annealockwood.com

 

PAISAIARIK GABE#2 Luis Costa (pl)

LC_cavarloreal2

Proposamen honek, Entzumenaren behatoki izan nahi duen egitasmoaren ideia bera ia modu literalean jorratuz, soinu paisairi buruzko eztabaida eta elkarrizketa espazio egonkorra sortu nahi du. Jatorri eta esperientzia ezberdinetako pertsonekin (artea, kultura, industria, hirigintza, gizarte zientziak..) elkarlanean, topaketa informalen bidez osatutako elkarrizketa, hitzaldi, kontzertu, entzunaldi eta bestelako ekitaldi publikoek osatzen dute egitaraua.

APIRILAK 16, LARUNBATA,  19,00.
Z aretoa, TABAKALERA (DONOSTIA)


BENETAZKOA AITZURTZEN, ETA SOINUA ALDIBEREAN
Gonbidatua:Luis Costa (Binaural/Nodar)
www.binauralmedia.org

Lehenbiziko soinua goiz lainotsu bateko ate kolpea izan zen.
Soinuarekin lan egiten duten artisauak sartu ziren gure nekazalgunean.
Kortesia, onarpena, jakinmina eta zerbitzua izan ziren gure lanabes.
Ez soilik soinua, ez soilik soinua.
Soinua izan liteke haustura puntua, edo ezjakin egonkorren hiztegiko atal bat gehiago.
Lengoai mota da… gertukoa…sutila…espezifikoa… gertakizun bat gehiago.
Baina badira leku batera hurbiltzeko baliagarriak diren bestelako lengoaiak.
Eta bertako jendeekin harreman benetazkoa eskaintzen duten gustatzen zaizkigu.
Eta hortarako, soinua ez da nahikoa, soinua ez da nahikoa.
Eta horregatik ez dugu soinu-ikertzaile smart, jakintsu eta garbien olatu berriak irensterik nahi.
Horregatik ez gara fio soinu bakoitza bere sustraietatik ateratzen dituzten soinuen mapa globalizatuez.
Esanahiak aitzurtzen jarraitzen dugu… gure bazterren esanahi zahar eta ahantziak.
Soinu-mehatzariak gara, soinu-nekazariak, soinu-arotzak, soinu-txontxongilolariak.
Bazter ahantzi batean.

LC_opcional

Luis Costa: Soinu artearen alorrean lan egiten duen komisario eta ekoizlea da, ikerlari eta artxibista lanak ere egiten ditu. 2006tik Portugalgo Gralheira mendialdean media-artearen inguruan lan egiten duen eta nazioartean halako egitasmoen erreferentea den BINAURAL/NODAR egitasmoaren sortzaileetako bat da Costa. Plataforma honen bidez hamaika erakusketa eta ikerketa egitasmo antolatu ditu, tartean hezkuntzari eskeinitako lanari garrantzi berezia eskainiz.