Apartado de correos 75
31780 Bera
Navarra (Spain)
Mugari buruzko audiogida da Mugako Bidea, eta areago, muga-marraren gain-gainetik doan mendi ibilaldi bat.
GPS teknologiadun telefonoaren laguntzaz mendiko xendetan barrena oinez goazelarik, mugarekin lotura zuzena duten bi gairen inguruko istorioak adituko ditugu kaskoetatik: kontrabandoa eta gerrako gotorlekuak.
AUDIOLAB soinu ikerketari eskainitako irabazi asmorik gabeko kultur elkartea da.
Egungo gizartean soinuaren kultura sustatzeko helburu nagusiarekin, elkarlanera eskainitako plataforma ireki honek elkartea osatzen duten kideek urtetan sortu eta landutako proiektuetan pilatutako esperientzia du oinarri, horien artean: ERTZ Bertze Musiken jaialdia, ARTELEKU arte garaikideko soinu laborategia, egitasmo editorialak (NOISE & CAPITALISM), erakusketen antolakuntza (TABAKALERA SOINUTAN, ENTZUNGOR, ZOOO…), ikerketa lanak ([UN]COMMON SOUNDS, RONA MAUBERE, OPEN SOUND)…
BRBA galeria bat da. BRBAk hotsak erakusten ditu. BRBA ez da irratia. BRBAk ez du saiorik. BRBAk ez du aurkezlerik, baina zainduta dago. BRBAk ez du antenen beharrik. BRBAko edukiek ez dute irauten. BRBA ireki eta ixten da. BRBA artxibo fantasma bat da. BRBA audiolab elkartearen ekimena da. BRBA lekua da
XABIER ERKIZIA: Zubiak dira zauriak, zauriak dira orbainak, orbainak dira izenak
CD-Audio, 5 pista, 60 minutu
150 aleko edizio mugatua (75 euskaraz, 75 gazteleraz)
Idatziak dituzten bi inprimaketa.
Diseinua: Sonia Ciriza eta Miguel Ayesa. Serigrafia inprimaketa: Xipiroi.
Iñaki Segurolaren aipua.
Grabaketa, edizioa eta masterizazioa: Xabier Erkizia
2019an Tramontana Europear egitasmoaren barne argitaratua.
Entzun zati bat:
2017an Xabier Erkiziak grabatu, editatu eta masterizatua. 2019an argitaratua Tramontana egitasmoaren barne. Lan honek geografiari buruzko hausnarketa bat proposatzen du. Zehazki, Gipuzkoa hegoaldetik iparraldera zeharkatzen duen Urumea ibaiaren irakurketa geografikoa da proposatzen duena. Hortarako ibaiak gurutzatzen dituen paisaien grabaketak baino, lan honek ibaia alderik alde gurutzatzen duten zubien (60 zubi) estrukturetan egindako grabaketak biltzen ditu, haien bidez ibaia zer den eta nondik ikusten/ulertzen dugun hausnartuz. Hastapeneko grabaketak 2016 urtean Cristina Enea zentroan eta Tabakaleran Peter Cusack soinu artistarekin egindako “Use and abuse of water” lantegian egin ziren eta hurrengo hilabetetan osatuz joan zen lana. Disko honen instalazio bertsioa aipatu ingurumen zentruak antolatutako Ur handiak, Ur meheak erakusketa kolektiboan erakutsi zen.
2018ko Landarteren, alegia Vianako Printzea Erakundea-Kultura Zuzendaritza Nagusiaren arte eta landa eremuko programaren barnean AUDIOLAB elkarteak osatutako egitasmoaren helburu nagusia Sartagudako bizilagunekin entzumenaren garrantziari buruzko ikerketa eta hausnarketa eragitea da. Egitasmoaren emaitzak hainbat forma ezberdin hartu ditu eta hala kontsultatu daitezke: Soinu mapa elkarreragile baten bidez, lantaldean egindako irratsaioaren bidez edo koadernotxo pedagogikoaren bidez. Azken finean Xabier Erkizia eta Luca Rullo soinu artistek proposatutako lanak gure entzuteko moduak birpentsatu eta zergatik ez, belarri bidez errealitatea ulertzeko modu berriak eraikitzea du amets.
Herriko bizilagunekin egindako elkarlan emankorraren emariak bapatean neurtzea zaila bada ere, dimentsio hauetako (elementu fisikorik gabeko) proiektuek hala eskatzen baitute, elkarrekin egindako lanaren emaitzak ugariak izan dira, eta ez soilik orain, baizik etorkizunean herriarentzako erabilgarriak izango diren hainbat tresna ere utziko ditu:
Joan den uztailaren 22tik 27ra bitartean Jean-Luc Guionnet musikari, konposatzaile eta soinu artista frantziarrak Arantzazuko santutegian egonaldi artistikoa egin du. Organoarekin esperimentatzen esperientzia haundiko gizona izan arren, Arantzazuko organoa inork baino hobe ezagutzen duen Pello Zabalaren laguntza paregabea izan du Guionnetek. Musika tresna honen ikerketaren emaitzak uda amaieran entzun ahal izango dira, bai zuzenean baita diskoan ere.
Musikari honek santutegi esanguratsuan egin duen egonaldia, etorkizunera begira GANDIAGA KULTURGUNEAK AUDIOLAB elkartearekin garatu nahi duen artistentzako egonaldi programa berritzaile baten barruan kokatzen da. Laister abiatuko den egitasmo honek, Arantzazuko ingurunea, ondarea, historia eta errealitatea lanabes gisara hartuz artelan berriak sortzeko arrazoi bihurtu nahi du. Hortarako, Arantzazuk artearekin eta sorkuntzarekin beti mantendu izan duen lotura estua eguneratzeko ahaleginean, lan egiteko aukera eskaini nahi die bertako nahiz atzerriko artistei.
THE POLITICS OF RECORDED SOUND. Xabier Erkizia
soinu instalazioaMaiatzaren 15etik ekainaren 21era
KOLDO MITXELENA kulturunea, DONOSTIA
LIBURUTEGIA ETA JAKINTZA erakusketaren barne
THE POLITICS OF RECORDED SOUND (Soinu grabatuen politikak)
4 bozgorailutarako soinu-konposizioa + idatzia + inpresioa + soinu-dokumentazioa
Izenburutik hasita, instalazio honek gure kultur iruditeria osatzen duten soinuekin ditugun erlazio arraroengan jarri nahi du arreta. Gaur egun oraindik, soinuak gure ondare historiko eta kulturalaren parte bezala ulertzeak, nahitaez jakintza komuna bezala ulertzen dugunari ezartzen zaizkion politikek gordetzen dituzten kontraesan haundiak agerian uzten dituzten definizio jakin batzuen aurrean jartzera behartzen gaitu. Egiletzak, hauen eskubideak, zabalpenerako eta komerzializatzeko erabiltzen diren sistemak, kontsumo moduak, askotan zentsura ariketa bihurtzen diren erakundeen errezeloak… denak dira soinuzko dokumentu hauekin dugun erlazioa modu naturalean ulertzea eragotzi eta arrarotzen duten politiken adibide.
Euskal Herrian egindako soinu grabaketa zaharrenetako batzuk eredu hartuta, -hain zuzen Leon Azoulay doktoreak 1900. urtean eta Rudolf Trebisch etnografoak 1912-1913an egindakoak-, instalazio honek, kultur dokumentuen katalogazio lanen ardura duten zentruetan, bereziki gorde beharrekoa fisikoa ez denetan, ze arazo sortzen diren azaleratu nahi ditu. Eta aldiberean, askotan gure iragana ulertzeko ezinbesteko diren dokumentu horiekiko dugun ezezagutzari buruz hitz egin nahi digu.
Instalazioa erakusketaren dokumentazio aretoan entzungai dauden irrati-dokumental zenbaitekin osatzen da.
Xabier Erkizia (Lesaka, 1975) soinu artista, ekoizlea eta kazetaria da. AUDIOLAB elkarteko kide, azken 15 urteotan ERTZ Bertze Musiken jaialdiaren antolatzaile lanak egin ditu. Europako, Amerikako nahiz Asiako hainbat herrialdetan erakutsi izan du bere lana, bai grabaketa, bai zuzeneko emanaldi edo baita instalazio modura ere.
Audiolab elkarteak eta Reflex espazioak abiatutako elkarlanaren bigarren emanaldia eta bakarkako emanaldien saileko lehena:
MIKEL R. NIETO: Solo
Abenduaren 28a larunbata
20:00 / REFLEX espazioa, Egia kalea, 24 bis – sotoa/sótano
DONOSTIA-SAN SEBASTIÁN (Gipuzkoa)
Antolatzaileak: REFLEX, AUDIOLAB
“Soinuak ez ditu paretak ulertzen, eta gure belarriek ez dute betazalik. Beraz, gonbidatu ez ditugun hainbat soinu entzutera behartuak gaude. Bakartasunak ez daki mutu izaten, eta bakardadearen soinuak aditzeak beste hainbat presentzia anplifikatzera behartzen gaitu. Gure espazio pribatua auditorioa bihurtzen da. Gure bizilagunak dira gure entzule hoberenak.”
Mikel R. Nieto > mikelrnieto.net
Donostian jaioa. Arte ikasketak burutu zituen Donostia, Madril eta Bartzelonan. Urteak daramazki praktika fonografikoei eta hauetatik eratorritako teorien inguruan lan egiten. Hainbat unibertsitate eta kultur zentrutan ikastaroak eman ditu. SOINUMAPA Euskal Herri Soinuen mapa, Hots! irratia eta ./mediateletipos))) bezalako egitasmoetako kide da.
Hirugarren Belarria (Gerraren soinuak)
2013ko irailak 10-11-12
DONOSTIA-SAN SEBASTIÁN (Gipuzkoa)
hirugarrenbelarria.audio-lab.org
EGITARAUA PDF
Soinuek eta musikek gizakiak batzeko duten gaitasuna, erritualtasun publikoarekiko eta honen mutazioekiko interesa edo teknologien garapenak pertzepzio sisteman eragiten dituen aldaketak, amaiera eta xede zehatzik gabeko mintegi honetan behin eta berriz plazaratzen ditugun gaiak dira. Eztabaida hauen azterketan sakontzeko gogoak eta Donostia setiatu eta erre zuteneko bigarren mendeurrenaren harira antolatutako “Bake-hitzarmena” proiektuarekin bat egiteko asmoak bultzatu gaitu Hirugarren Belarriaren edizio honetan auzi militarraren inguruan jardutera, gaiak bere baituen dituen konplexutasun eta bortxa guztia kontutan hartuta.
Itxura batera, musikaren dotoreziak eta fintasunak eragindako afektuak biolentziatik urrun kokatzen baditugu ere, agerikoa da gudaren mistika beti izan dela borrokalarien gogoa pizteko erabili ohi diren aldarrikapen, ereserki eta txaloaldien lagun. Musikak gorputzei eragiten die, neurtutako ibilalditara bultzatzen ditu eta gudaren ekintza bera simulatzen du. Ez gaitu harrituko beraz, hainbat akademia militarretan musika curriculum-aren parte izateak, esgrima, zaldiketa eta beste hainbat ikasgairekin batera.
Hain zuzen, gorputza eginkizun jakinetara makurtzeko gaitasun hori da, guda iraultzaileen kritika egiterakoan Simone Weil hainbeste haserrarazi zuena. 1933an, Aragoiko Durruti zutabearekin borrokarako bat egin aurretik idatzi zuen Weilek, guda, ekoizpen sistema industrialen jarraipena dela, berekin dakarren menpekotasun itsua dela eta, gerra ez dela klase herrikoientzako onuragarria izan litekeen edozein prozesu iraultzaile sustatzeko edo jasateko gai. Laburbilduz, musikaren gaitasun zuzentzaile hau (Gilles Deleuzek bere potentzialitate faxista gisa definitu zuena), gorputza, efektu jakin bat bilatzen duen ordena baten arabera menderatzeko duen gaitasuna dela esan dezakegu, bere izaera ideologikoa eta beharrezkoa duen gimnasia alde batera utzita (izan desfile, manifestazio, flashmob edo kirol ariketak).
Edozein modutara, zaila da entzumenaren iruditeria eta guda banatzea. Modernitateak garatu dituen musika estilo ezberdinekiko identifikazio emotiboa (folk, pop, rock…), “talde” ezberdinen partaidetzan inspiratua dagoela dirudi. Ez dezagun ahantzi XIX. mendean sortu ziren abertzaletasun europearrentzako, musikak -ideia erromantikoen eraginpean- beste edozein artek baino hobeto adierazten zuela nazioaren izpiritua. Aldiberean, herritarren artean, garapen hauek forma berriak hartu zituzten: Kantutegien bidez zabaltzen ziren tradizio modernoak, paperezko edizioetan edo ahoz aho, tabernetan eta kalean abestuz. Horrela, modernitatearen etorrerak bi muturren arteko tentsioa areagotu baino ez zuen egin: Musika boterearen irudikapen zaindua bihurtu zen, baita izenik gabeko jendearen sentipenaren garraio ere.
1813ko uztailean Beethovenek “Wellingtonen Garaipena” edo “Gasteizko Bataila” izeneko partitura idazteari ekin zionean, musika bere garaian kokatu eta haren efektuak ebaluatzeko giltzarria sortu zuen. Sinfoniaren lehen minutuetan, Beethovenek gerrako bandu bakoitzeko abesti ezagunak kontrajarriz imitatzen du gerra. Konposaketa ezagun hau egiteko, Vienakoak Johann Nepomuk Maezel izeneko pertsonaia berezi batekin egin zuen lan. Metronomoa, audifonoak edo panarmonikoiaren asmatu zituen ingeniariarekin. Panarmonikoia, orkestra militar osoa erreproduzitzeko gai zen teklatu mekanikoa zen; kanoi eta tiro hotsak barne. Nolabait, efektu berezien aurrekari honek soinu-diseinuaren historian abiapuntu berri bat ezartzen du, gerora entretenimenduaren industriak hain gogoko izan dituen efektuei eta sintetizadoreei bidea irekitzeko balioko duena. Eta hauek, aldiberean, bigarren mundu gerratearen ondotik gudu zelaian erabili izan diren soinuzko gailuen aurrekari: masak uxatzeko bozgorailu bortxatiak edo LARD sistemak, edo gaur egun erabili ohi diren Drone zaratatsuak asmatzeko bidea irekiz.
Hein batean, entzumenaren eta jakintzaren soinuzko forma aldarrikatzeak eta honen bidez gure azterketa kritikoak zorroztu ditzakegula pentsatzeak, gure entzuteko modu inuxenteak bazterrean uztera behartzen gaitu. Erreprodukzio teknologien ugalketak, zentzu askotan gor-mutu uzten gaituen soinu paisaia berri bat sortu du, belarrien parean jartzen zaizkigun egitura ideologikoak ulertzeko lanabesik gabe. Horregatik da hain garrantzitsua musika eta hizkuntzaren jolas, erritmo eta azentuak ikastea. Soilik leku hortatik izango gara soinu horien guztien azpitik eta gainetik dabilen zera ikusezin hori entzuteko gai.
EGITARAUA
Irailak 10 asteartea / ARTELEKU
17:00 Jardunaldien aurkezpena
17:30 Hitzaldia / Peter Cusack: Leku arriskutsuetako soinuak
19:00 Hitzaldia / Joe Banks: Rorscharch Audio
Irailak 11 asteartezkena / ARTELEKU
18:00 Hitzaldia / Alku: Less Lethal 2. saila
19:00 Hitzaldia / Eduardo Gil Bera: Gerraren jainkosa greziar epikan
Irailak 12 osteguna / UDAL LIBURUTEGI ZAHARREKO SOTOA
San Jerónimo kale, z/g
18:00 Hitzaldia / Karlos Sanchez Ekiza: “Walkirien garrasiak bezain sutsua zen”: Ezpata-dantza Amaya operan
19:00 Kontzertua / Khantoria: Bereterretcheren oinatzak
20:00 Solasaldia / Ander Berrojalbiz: Artea, artifizioa ezkutatzean datza
gure HOTS! online irratian podcast berria argitaratu dugu!
Inplante koklearrentzako musika
Inplante koklearrak entzumen arazoak dituzten kasu jakinetarako diseinatutako gailuak dira. Entzumena hobetzeko helburua izanik, gailu hauek nagusiki hizketa jasotzeko pentsatuak daude, ez horrenbeste musika entzuteko. Azken urteotan ordea, gailu hauen merkatua izugarri hazten ari da, seguruaski historia osoan ez garelako sekula hainbesteko musika eta zarata artean bizi.
Podcast honetan, Waldo Nogueira ikerlariak Pompeu i Fabra unibertsitateko Musika teknologiaren ikerketa taldeak osatutako musIC egitasmoa azalduko digu. Gailu hauen bidez musika hobe jasotzea da ikerketa honen helburua. Berriki, halako inplanteak dituzten pertsonentzako kontzertu esperimental bat pentsatu eta egin zuten, konposatzaile eta musika-tresna ugariak baliatuz.
Podcast honetan, Jacob Kirkegaard, Maryanne Amacher, Xabier Erkizia, Kylie Minogue, Alejandro Fränkel eta Sergio Naddei-en musika piezen zatiak erabili dira.
Podcast-a gazteleraz da.
Elkarrizketa eta edizioa: Mikel R. Nieto
Iraupena: 29:20
http://www.hots-radio.info/2013/08/podcast-45-musica-para-implantes-cocleares/
AREAGO, Soinuetan murgilduz ibili
Areago, Igartubeiti Baserri Museoko ondare baliabideak eta teknologia berrien erabilera biltzen duen egitasmo berriztatzailea da, bertako ondarea balioan ipini asmoz. Arte alorretako elementuak, bertsolaritzarekin, musikarekin, soinudun artearekin bateratzen ditu soinudun ibilbidearen eta kontakizun esperimentalaren artean kokatzen den istorio bat sortuz.
Egitasmo honek, GPS teknologiarekin hornitutako smartphone edo laugarren belaunaldiko telefonoak erabiliz, audiogida sistema bat proposatzen du, gune irekiak soinuen bitartez esploratzeko aukera eskainiz.
Areagotutako soinu errealitate edo areagotutako entzuketa ariketa honetan, ingurune hurbileko soinuak, aurrez grabatutako eta geolokalizatutako beste soinu eta musikekin (kasu honetan Igartubeiti Baserria eta bere ingurunean jasotakoak), nahasten dira, audiofonoen bitartez. Areagok ondare materialari eta ez materialari gerturatzeko esperientzia paregabea eskaintzen dio bisitariari. Ingurunearekin elkareragitearen bitartez, gure ingurunearekiko harremana zalantzan jartzen du, ondarea esperimentatzeko eta bizitzeko gerturatze eta gune berriak proposatuz. Egitasmo honek testuinguru berriak sortu nahi ditu, ondarea ulertzeko ikuspegi ezberdinak zabalduz. Orokorrak diren pertzepzioen menpean hartutako edo adostutako mugak nabarmendu nahi ditu eta soinu artearen lengoaiaren bitartez, gure entzutea ireki.
Era berean, ondareari buruzko lan egiteko modu berriei buruz hitz egiten duen bide berri bat irekitzen du. Ondare baliabideei balio erantsia gehi diezaiokegu, ofizialagoak diren beste diskurtso batzuk osatzen laguntzen duten eduki berriak sortu eta esperientzia berriak eskainiz.
Lan Prozesua
Egitasmo esperimental hau lan fase ezberdinetan garatu da. Ahots eta soinu ezberdinak grabatzeko landa lanetik, kontzeptualizazio eta sormen lanera, mugikorrerako aplikazioen garapena eta K6 Kultur Gestioak garatutako koordinazioa.
Dokumentala besterik ez denaren eta fikzioaren arteko muga horren emaitza soinu kontakizunak dira. Belarrietarako pelikulen antzekoa, ahozko poesiaren, musikaren edo soinu artearen baliabideak erabiliz, ezohiko audiogida. Soinu ipuin bat, audiogidaren mugak gainditzen dituena Igartubeitiko bisitariari berebiziko esperientzia erakargarria eskainiz.
Euskarazko bi kontakizun sortu ditugu lehen esperientzia honetan. Aurten kolaboratzaile ezberdinen eskutik handiagotzen joango da. Publiko mota ezberdinari zuzendutako zenbait aukera hizkuntza ezberdinetan izatea da asmoa.
Areago-ren lan prozesua fase ezberdinetan garatu da:
2011ean hasitako lehen fasean, dokumentazio prozesua burutu da, AUDIOLAB lan taldeak Ezkio-Itsasoko gertakizun nabarmenak, feriak, kultur jarduerak, jaiak eta ohiturak erregistratzen joan da urte osoan, ibilbideak osatzen dituzten azken kontakizunak sortzeko baliagarriak izan zitezkeen zenbait erreferentzia aurkitzeko asmoz.
Bigarren fasean, Igartubeitira zenbait bisita egin ondoren eta soinuak, musikak, dokumentuak istorioak eta baserriaren historiari lotutako mota guztietako erreferentziak aztertu ondoren, hasteko bi kontakizun diseinatu dira.
Horretarako Maialen Lujanbio bertsolaria eta Arantxa Iturbe kazetaria gonbidatu ditugu. Bakoitzak baserriarekin izandako esperientzian oinarrituz istorio bat sortu du.
Lehen kontakizuna, Maialen Lujanbioren eskutik, baserri inguruko ibilbide bat da, non pertsonai ezberdinen bitartez, sagardo garaian baserrian gertatutako pasadizo baten kontakizuna azaltzen dituzten bertsoak “ezkutatzen” diren. Baserriko jabearen, bere emaztearen eta atzerriko bisitari baten arteko solasaldi hauetan, beraien ikuspegi subjektiboen bitartez, zenbait egoera kontatzen dituzte bertsotan. Egoera guzti hauek esperientzietan eta giza gertaeretan oinarritutako baserriko egunez eguneko kronika osatzen dute, garai bateko, ahaztutako bertsoak izango balira bezala, gaur egun birsortuak izan direnak.
Bertsotan jarri diren mikro-istorio hauek, soinu baliabideen erabilpenarekin berrindartu dira, natur soinuen grabaketen bitartez, mikrofono bereziekin egindako grabaketak (baserriko egurraren karraska eta gune berean agerikoak ez diren beste fenomenologia batzuk grabatzeko) edo in-situ grabatutako musikak, guztiek hitzen kontakizunari karga dramatiko egokia ezarriz.
Arantxa Iturbek sortu du bigarren kontakizuna. Arantxak, lau denbora eta lau pertsonai-ahots kokatu ditu gure museoaren inguruan, ejerzitoik ihes doana, bere senarretik ihesi doana, mundu modernotik ihesi doana eta etxetik ihes egin ezin duena. Azken finean, ekoizpen metodoa ikusentzunezko dokumental edo film baten antzekoa izan da, baina bakarrik soinu baliabideak erabiliz, hauetaz gozatuko duen erabiltzaileak soinu informazioa ikus esperientziarekin bateratu ahal dezakeen esperientzia bat bizitzeko.
Merezi du gogoraraztea, lehen esperientzia honetan, kontakizuna sortzeaz gain, gune honetarako tresna esklusiboa diseinatu eta sortu dela, kontakizun berriekin elikatzen joango dena. Beraz, erabiltzaileak istorio eta pertsonai ezberdinak aukeratu ahal izango ditu lekuaren historia ezezik, inguruko geografi berezitasunak ere bai gehiago eta hobeto ezagutzeko. Helburu honekin, audiogida berri hauen bilduma elikatzeko garaian garatu daitezkeen etorkizuneko aukeretan, sortu daitezkeen estrategietan edo ideietan pentsatu da.
Aplikazioaren garapena
Areago egitasmoa gauzatzeko beharrezkoa izan da proiektuak sortutako beharretara egokitutako zenbait teknologi tresnak sortzea, gaur egun merkatuan daudenak ez dietelako erantzuten egitasmo honen behar eta eremuei.
Tresna hauen garapena bi alorretan banatu da, frontend eta backend.
Frontend-a smartphne mugikorretarako Android sistema operatiboaren SDK-ren bitartez garatutako aplikazio bati dagokio. Aplikazio honek Areago erabiltzaileei Igartubeiti Baserri Museoko inguruetatik ibilbidea egitea ahalbidetzen die.
Backend-a Areago proiekturako barne erabilpenerako web aplikazioa da eta bertatik, mugikor aplikazioan erabiltzeko moduan dauden soinu ibilbideak, edukiak, ibilbidearen forma eta soinu puntuen ezaugarriak burutzen eta kudeatzen dira.
Kudeaketa eta funtzionamendua
Lehen fasean, mugikorrak Igartubeiti Baserri Museoan banatuko dira. Bestalde, soinu ibilbideetaz gozatzeko argibideak biltzen dituen liburuxka argitaratu da. Aipatzekoa da, sortutako kontakizun mota dela eta, lehen fase honetako edukiak euskara hutsean garatu direla. Aurten beste kontakizun batzuk sortuko dira beste hizkuntza batzuetan.
Lan taldea
Proiektu honen garapenerako osatutako lan talde profesionala elkarren osagarri diren profil tekniko multzo batez eratuta dago.
Edukiak:
AREAGO*1- Lehen kontakizunean parte hartu dute:
Gidoiak, bertsoak: Maialen Lujanbio
Ahotsak: Patxi Etxeberria, Kristina Mardaras, Eñaut Agirre, Mikel Mendizabal
AREAGO*2 – Bigarren kontakizunean parte hartu dute:
Gidoia, testuak: Arantxa Iturbe
Ahotsak: Nekane Peñagarikano, Arantxa Iturbe, Xabier Erkizia, Zuhaitz Akizu
Audio edizioak: Xabier Erkizia
Grabaketak: Xabier Erkizia, Iñigo Telletxea (Audiolab-Soinumapa)
Aplikazioa/Programazioa: Xavier Balderas, Luca Rullo (Audiolab-Soinumapa)
Koordinazioa eta Kudeaketa: Marta Font, Kizkitza Ugarteburu (Igartubeiti Baserri Museoa – K6 Kultur Gestioa).
gure HOTS! online irratian podcast berria argitaratu dugu!
XABIER ERKIZIA: Inauteriak (1)
Inauteriek, Ihauteriak, Aratusteek, karnabalek, zaratarekin harreman estua gordetzen dute. Are gehiago, haiek dira Inauteriak urteko gainerako ospakizunetatik bereizten dituztenak. Zaratak egiten du Inauteria. Zintzarri, kaskabel, danbor, karraka, oihu, garraxi, orro, suziri, petardo, maskuri puxika, turuta, makil, dultzaina, txistu, trikitixa, mozorro, animali, txalaparta eta gaur egun, altaboz eta megafono ozenen garaia da Inauteria Euskal herrian. Zalapartarena eta desordenarena. Tradizioarena eta traizioarena. Lege batzuk bete eta besteak deuzestearena. + info
Honakoaren bidez Soinumapa.net egitasmoaren 2013ko laugarren 20 grabaketeroko errepasoa aurkezten dugu. Milesker soinuak grabatu eta partekatu dituzuen guztiei!
– Donostia/San Sebastián: Prentsaurrekoa Anoetan 03:45
– Mundaka: Atorrak: Jotake 02:17
– Erratzu: Inauteriei buruz 02:02
– Mundaka: Atorrak: Iji Taja 03:21
– Erratzu: Inauteri desfilea 04:16
– Mundaka: Aratusteak hasi baino lehen 03:10
– Hernani: Axeri dantzari buruz 02:14
– Markina Xemein: Aratusteei buruz 04:58
– Donostia/San Sebastián: Kantuan Anoetan 04:41
– Mundaka: Atorrak kalejiran 01:27
– Erratzu: Damak 04:33
– Hernani: Axeri dantzariekin 01:09
– Mundaka: Atorrak: Mari Manu 05:05
– Mundaka: Atorrak: Lisboa en Carnaval 03:26
– Donostia/San Sebastián: Danborrada 05:29
– Donostia/San Sebastián: CAF Manifestazioa 06:16
– Mundaka: Aratusteak / Carnavales 05:30
– Vitoria-Gasteiz: Ziztukada erregeari 03:25
– Markina Xemein: Zaragi dantza 02:34
– Markina Xemein: Antzar jokoari buruz 02:36
Dagoeneko sarean dago HIRUGARREN BELARRIA ikerketa egitasmoaren lehendabiziko jardunaldiak osatu zituzten hitzaldien artxiboa. Lehen edizio honetan CARMEN PARDO, PATZIKU PERURENA, RAMÓN ANDRÉS, ARANTXA ITURBE eta MARTA GARCÍA QUIÑONES izan ziren gonbidatuak eta beraien hitzaldiak oso osorik entzun daitezke egitasmo honentzako espreski sortu dugun mikro-site edo webgune berezian. Entzuteari buruz entzun nahi bazenu, hirugarren belarri bat eskaintzen dizugu.
http://hirugarrenbelarria.audio-lab.org/category/hirugarren-belarria-2011/
HIRUGARREN BELARRIA: Hausturarena
hirugarrenbelarria.audio-lab.org
Entzumenari buruzko jardunaldiak (2. zatia)
Gonbidatuak: Pascal Battus, Jose Ramon Mozota Ortiz, Jose Mari Esparza, Jose Luis Ortiz Nuevo, Jaume Ayats, Jose Luis Espejo, Myriam Ayçaguer, David Arratibel
2012ko irailaren 10etik 14ra
ARTELEKU, Donostia-San Sebastián (Gipuzkoa)
KAXILDA liburudenda, Donostia-San Sebastián (Gipuzkoa)
GUARDETXEA, Donostia-San Sebastián (Gipuzkoa)
KUTXA ARETOA, Donostia-San Sebastián (Gipuzkoa)
Antolatzailea: AUDIOLAB ELKARTEA
Sustatzaileak: EREMUAK, ARTELEKU
Laguntzaileak: ERTZ jaialdia, KAXILDA liburudenda, GUARDETXEA, KUTXA
Zuzendaritza: Oier Etxeberria, Xabier Erkizia
___
EGITARAUA:
Irailaren 10a astelehena / Arteleku, Donostia
MEDIKU MUSIKARI
16:00 – 19:00
Pascal Battus: Soinuzko masaje sesioa (plaza mugatuak)
Erreserbak doan: info@arteleku.net
19:00 Hitzaldia :
Jose Ramón Mozota Ortiz: Belarri musikalaren eta zuzentzailaren artean
Irailaren 11a asteartea / Kaxilda liburudenda, Donostia
TRADIZIOA, TRADUKZIOA, TRAIZIOA
19:00 Hitzaldia :
Jose Mari Esparza: Jota heretikoak
20:00 Hitzaldia :
Jose Luis Ortiz Nuevo: EGOERAK Tirititran tran tran tran tran… Transgresioak Flamenko erara
Ondotik: Jan-edan, solas eta entzuteko tartea
Irailaren 12a asteazkena / Arteleku, Donostia
HIRIA ORROKA
19:00 Hitzaldia :
Jose Luis Espejo: Ziegak eta Transduktoreak
20:00 Hitzaldia:
Jaume Ayats: Taldearen errepresentazioa manifestazioen esloganetan eta kirol estadioetako kantuetan
Irailaren 13a osteguna / Guardetxea, Donostia
INOIZ IKUSTEKOA
20:00 Soinuzko dokumentariaren entzunaldia:
Ni Nüzu (Myriam Ayçaguer, 2011)
Irailaren 14a ostirala / Kutxa Arrasate aretoa, Donostia
IRISTEN EZ DEN ISILTASUNA
20:00 Film proiekzioa (pre-estrenoa):
Oírse (David Arratibel, 2012)
