Kontzertua:
JEAN LUC GUIONNET & OLIVIER BENOIT
Otsailak 6 osteguna
20:30 / REFLEX espazioa, Egia kalea 24
DONOSTIA (Gipuzkoa)
Antolatzaileak:Ā AUDIOLAB,Ā REFLEX
Saxofoia eta gitarra, musika tresna baino, soinu iturri gisara erabiltzen dituzte bi musikari hauek beraien inprobisazioetan. Jazz munduan bi tresna hauek konbinatuz egin izan diren saiakerek suposatzen duten aurrekarietatik urrunduz eta bapatekotasunaren bidez idiomatikoa izan nahi ez duen jarrera jakina hartuz, musika sortzeko modu pertsonal eta aberatsa topatu dute Guionnet eta Benoitek.
Olivier Benoit, gitarrajolea, inprobisatzailea eta orkestrarako konposatzailea da, eta besteak beste musika esperimentalaren, jazzaren, musika garaikidearen edo elektronikaren alorretan egin du lan. Dantza eta beste arte eszenikoetan lan egiten duten hainbat konpainiarekin ere lan egin izan du azken 20 urteotan.
Jean Luc Guionnet, hainbat alor artistikoetan moldatzen den, baina bereziki musika elektroakustikoaren eta inprobisazio askearen alorrean lan egiten duen artista da. Saxofoia, organoa, pianoa eta elektronika ditu lan tresna nagusi eta horiei esker parte hartu izan du, bakarka nahiz elkarlenean, hainbat musika talde, bikote, hirukote nahiz soinu instalazioen sorkuntzan.
