EKAINAK 18, LARUNBATA, 19:00
Tailer aretoa, Tabakalera – DONOSTIA
www.entzuten.net

SOINU ARTXIBOTIK GERTAKIZUNERA
Gonbidatua: XOAN-XIL LOPEZ

2016ko urtarrilaren 20an, azken hamar urtetan hazten joan den Escoitar.org kolektiboaren web-maparen desagertze prozesua martxan jarri duen audio-ekimena abiatu zen: Geroztik, mapa osatzen zuten Galizako lurraldean egindako 1252 grabaketak desagertzen doaz, entzun ahala. Erreprodukzio bakoitzak entzundako artxiboa desagerrarazten du datubasetik, entzunaldi bakoitza gertakizun bihurtuz.

Soinu paisaiarengana hurbiltzeko, edo berau errepresentatzeko edo eszenifikatzeko modu asko dago. Kartografiak, grabaketak, performanceak, kontzertuak, instalazioak etabar. Desagertzeak ere balio dezake entzungarria den inguruneari buruz hitz egin eta berradierazteko, eta modu hortan artxibotik entzumenaren emoziora doazen gai ugari aztertzeko.

Xoán-Xil López: Musikologoa eta soinu-artista. Arte ederretan doktorautza jaso zuen “Seinalea/Zarata: Soinu paisaiaren zenbait erabilera artearen testuinguruan” izeneko tesiarengatik. Etnomusikologiaren nahiz musika garaikidearen alorretan hainbat ikerketa garatu ditu. Horrez gain, Escoitar.org, Mediateletipos, Ulobit (inprobisazioa) edo Voltage Opposite (dantza) bezalako egitasmoetan parte hartu du, eta Vertixe Sonora ensemble garaikidearekin lan egiten du.

www.unruidosecreto.net
www.escoitar.org

EKAINAK 10, OSTIRALA, 18:30
Gandiaga Topagunea – Arantzazu, OÑATI
www.entzuten.net

IZENBURURIK GABEKO SOINUAK
Gonbidatua: FRANCISCO LÓPEZ

20 urte baino gehiagoko ibilbidearen ondotik, Madrilen jaiotako baina naturaz nomada den soinu-artista honen lana mundu mailako erreferente nagusienetakoa da. Biologiarenganako nahiz soinuaren berezko indarrarenganako interesa jorratuz, Lopezek izenbururik behar ez duen soinu unibertso pertsonala osatu du. Soinu paisaiaren kontzeptzio klasikoarekiko, nahiz musika konkretuaren praktiken teorienganako ekidistantzia nahikoa ezarriz, Lopezek nahitaez absolutoa bihurtzen den soinu esperientziarengan gordetzen du fedea, esperientzia sentsorialaren eraldatzeko gaitasunaren erreibindikazio modu bat proposatuz.

Solasaldi honetan, Lopezen ibilbidea ulertzeko garrantzitsuak izan diren zenbait lan eta esperientzia aipatuz, bere lanak hamarkadetan zehar hartzen dituen esanahien inguruan mintzatuko dira artista bera eta Xabier Erkizia, harekin lan egindako den euskal herriko soinu artista.

Francisco López musika esperimentalaren eta soinu-artearen arloko pertsonarik garrantzitsuen artean kokatzen dute nazioartean. Hogeita hamabost urte baino gehiago darama soinu-sorkuntzaren eta ingurune-grabaketen bidezko lanaren alorrean, eta denbora horretan soinu-unibertso erabat pertsonala eta ikonoklasta garatu du, mundua sakonki entzutea oinarritzat hartuta. Ehunka soinu-instalazio, landa-grabaketako proiektu eta kontzertu/performance gauzatu ditu hirurogeita hamar herrialdetan, nazioarteko entzun-areto, museo, galeria eta jaialdi nagusietan. Bere soinu-obrak zuzeneko eta estudioko lankidetzak dauzka, nazioarteko 150 artista baino gehiagorekin, eta mundu osoko 350 diskoetxek eta argitaletxek baino gehiagok argitaratu dute. Beste sarien artean, Lópezek lau aldiz jaso du Linz hiriko (Austria) Ars Electronica jaialdi ospetsuko ohorezko aipamena, eta 2010eko Qwartz Awards sarietako (Frantzia) irabazle izan zen soinu-antologia kategorian.

www.franciscolopez.net

MAIATZAK 14- 15
Tabakalera, DONOSTIA

ZELAIEK (ERE) BADITUZTE BELARRIAK
Gonbidatuak: MICHAEL PISARO (AEB), STÉPHANE GARIN (Eus), DIDIER ASCHOUR (Fr)

1940ko hamarkadan Pierre Schaefferek, musique concrète deitu zenaren oinarri teoriko zenbait ezarri zituenetik, mikrofonoa, eta ondorioz harek jasotako soinuen paisaiak musika tresna bat gehiago bihurtu dira. Read more »

MAIATZAK 7, LARUNBATA
Tabakalera, DONOSTIA

ESPAZIALTASUN AREAGOTUA
Gonbidatua: MARIA ANDUEZA (Es)

Espazio publikoan gertatzen den soinu sorkuntza aztertzeko helburuarekin sortu zen 2013an Augmented Spatiality egitasmoa. Oinarrian, hiriarekin eta urbanitatearekin elkarreraginez sortzen diren soinu sorkuntza moduak azaleratzeko gai diren espazio publikoak sortu eta eraldatzeko aukerei buruzko ikerketa da. Read more »