SONHAR @ Dantz2024
2024/07/18
Tabakalera, Donostia
DANTZ, Elías Querejeta Zine Eskola, audiolab.org eta Tabakalerarekin lankidetzan.

Jaialdiaren “Ametsa” gaia kontuan hartuta, lozorroan dagoen entzutea praktikan jarriko duen kontzertua izango da, amets egiten dugun bitartean ikusmena bertan behera uzten dugulako eta irudi birtualak birsortzen ditugulako. Argirik, letrarik eta besaulkirik gabeko musika-konposizioen gau sonorizatu oso batean, esterilla bat eta lo-zakua bakarrik eraman beharko dira. Laburbilduz, musikarekin lo egitea da kontua, musika, ametsak eta atsedena uztartuz.
Xabier Erkizia soinu-artista, ikertzaile independentea eta ekoizle artistikoa da, proiektu esperimentaletan, inprobisazio askean eta musika elektronikoan lan egiten duena.

– Bertaratzen den bakoitzak bere esterilla eta lo-zakua eraman ditzala eskatzen da. Neurri horrek bermatuko du guztiek modu eroso eta seguruan gozatu ahal izango dutela ekitaldiaz.